Весна Љ.
Според најновите информации, првите преговори меѓу двете страни се одржале синоќа, а раководството на „топџиите“ е цврсто убедено дека овој мега-трансфер може целосно да се реализира до крајот на преодниот рок. Менаџерот на Арсенал, Микел Артета, го означи Нигериецот како апсолутен приоритет за засилување на навалната линија.
Преговорите започнаа поради Мартинели
-
La Linea v6
699 ден
524.25 ден
Интересно е што челниците на двата клуба првично седнале на преговарачка маса поради сосема друг играч. Имено, турскиот шампион Галатасарај покажал сериозен интерес за бразилскиот интернационалец Габриел Мартинели, испраќајќи официјална понуда вредна 45 милиони евра за неговите услуги.
Сепак, претставниците на лондонскиот клуб вешто го искористиле овој состанок за да ја отворат темата за Осимен. Преговорите за негов трансфер на „Емирати“ се официјално започнати, а извори блиски до клубот тврдат дека работите се движат во вистинска и позитивна насока за англискиот тим.
Одбиени астрономски 130 милиони евра
Дека Галатасарај нема лесно и евтино да се откаже од својот најдобар напаѓач, покажува и најновата ексклузивна информација која пристигнува од Истанбул.
„Раководството на Галатасарај неодамна експресно одбило вртоглава понуда од дури 130 милиони евра од саудискиот клуб Ал-Хилал, јасно ставајќи до знаење колку високо го цени нигерискиот голгетер.“
Останува да се види дали Арсенал ќе успее да ја пронајде вистинската формула за да го убеди турскиот клуб да го ослободи Осимен и да му го оствари сонот на Микел Артета за моќен напад во битката за титулата во Премиер лигата.
