Венс: Трамп сака дипломатија, но Иран без нуклеарно оружје

Американскиот потпретседател Џ.Д. Венс изјави дека Доналд Трамп сè уште претпочита дипломатско решение во односите со Иран

Во изјава за „Фокс њуз“, Венс нагласи дека претседателот бил „кристално јасен“ дека Иран не може да поседува нуклеарно оружје. Според него, целта на администрацијата е тоа да се постигне преку разговори и дипломатски напори.

Порака пред разговорите

Венс изрази надеж дека иранската страна ќе ја сфати сериозноста на пораката на претседателот на САД пред претстојните разговори. Тој повтори дека Трамп ќе се обиде да го спречи развојот на нуклеарно оружје преку дипломатски канали.

Изјавата доаѓа во момент кога односите меѓу Вашингтон и Техеран повторно се во фокусот на меѓународната јавност.