Грешката што сите ја правиме: Зошто џемперот ви се растегнува? (Не е до перењето!)

Сега, кога е доцна есен и зимата е на прагот, конечно почна сезоната на џемпери. Но, како да ги одржите во совршена состојба?

Одговорот не е само во перењето, туку во правилното складирање. Најголемата грешка што сите ја правиме е користењето закачалки. Ова е сигурен начин џемперите да соберат прашина, а влакната на рамениците да се растегнат и деформираат. Наместо тоа, уредно превиткајте ги и чувајте ги во фиока за максимална заштита.

Дајте им простор да дишат

Не ги пикајте во херметички затворени ќеси под креветот, бидејќи остатоците од дезодоранс или непријатни мириси можат да предизвикаат таложење на нечистотија и оштетување на влакната. Складирајте ги во пластични или платнени кутии и слободно додадете струготини од кедар или лаванда за да ги заштитите од инсекти и да мирисаат убаво.

Поретко перење = подолг век

Апсолутно најдобро е рачното перење со најладната можна вода. Ако морате во машина, користете програма за „рачно“ или „делекатно“. Експертите советуваат да не претерувате: памучните и кашмирските џемпери перете ги по 3-4 носења, а волнените и синтетичките можат да издржат и по 5 носења пред перење.