Дупка длабока 5 метри се отворила мистериозно: Археолозите откриле што се крие зад ова, приказната почнува во 19-ти век

Кога дупката длабока повеќе од 5 метри мистериозно се отворила во Бостон, во паркот Ронан, мештаните биле прилично изненадени.

Во целата приказна на крајот се вклучиле и археолозите кои откриле што се крие зад овој феномен.

Со инспекција било утврдено дека станува збор за бунар кој некогаш се наоѓал покрај куќата на извесна Мери Пирс.

More details on the #DorchesterSinkhole: the hole was originally a well associated with the house of Mary Pierce. It would have been filled in when the home received running water in the late 1800s. Read @BostonArchaeo’s findings: https://t.co/Fu1Moiv2UJ pic.twitter.com/ulOb2A9mSW

— Boston Parks and Recreation Department (@BostonParksDept) December 12, 2020

Бил во употреба се додека куќата не била приклучена на водовод кон крајот на 19-тиот век.

“Бостон е стар град и крие многу мистерии. Беше интересно да се видат остатоците од стар имот во Дорчестер во овој парк. За среќа, ваквите бунари не се честа појава”, рекол археологот Џо Беџли.

Куќата на Мери Пирс била урната во 1912-та година кога земјиштето било продадено на градот, за на тоа место да се изгради парк.

Дупката, односно бунарот, е длабок најмалку 5 метри, а широк 1,2 метри. Во него се собрале многу работи во текот на 20-тиот век, а властите рекле дека ќе ја затрупаат од безбедносни причини.