Зеленски: „Дружба“ нема брзо да се поправи

Поправката на нафтоводот „Дружба“ нема да биде завршена во скоро време, порача Володимир Зеленски, отфрлајќи ги барањата и притисоците од Унгарија

Испораките на руска нафта кон Унгарија и Словачка се прекинати од 27 јануари, откако, според украинските власти, во руски напад била оштетена клучна опрема на трасата во западна Украина.

Кој е одговорен за прекинот

Будимпешта и Братислава ја обвинија Украина за прекинот, но Зеленски тврди дека одговорноста е целосно на Русија поради нападите врз украинската критична инфраструктура. Тој истакна дека Киев нема да прифати ултиматуми и политички притисоци во услови на војна.

Порака до Унгарија

Украинскиот претседател изјави дека, доколку Унгарија сака решавање на проблемот, треба да се обрати директно до Москва. „Унгарците треба да апелираат до Русите за енергетско примирје“, рече Зеленски.

Прекинот на „Дружба“ дополнително ги заострува енергетските и политичките тензии во регионот, додека Европа продолжува да бара стабилни алтернативни извори на снабдување.