Илон Маск е 23-та економија во светот: Погледнете кои држави ги „прешиша“ со 726 милијарди

Човек-држава: Илон Маск „тежи“ 726 милијарди долари – побогат од Белгија и Шведска

Илон Маск испишува историја. Според најновата листа на „Форбс“, неговото богатство достигна вртоглави 726,3 милијарди долари. За да се сфати големината на оваа сума, доволен е податокот дека кога Маск би бил држава, тој би бил 23-та економија во светот, веднаш зад Тајван, а пред европски економски сили како Белгија, Ирска и Шведска.

„Тесла“ е моторот: Конкуренцијата е далеку зад него

Иако акциите на „Тесла“ забележаа мал пад од 1% (што му „избриша“ 3,3 милијарди за еден ден), годишниот раст од 18% го држи цврсто на тронот. Маск е неприкосновен на врвот од мај 2024 година, оставајќи ги далеку зад себе технолошките ривали како Лари Пејџ (256 млрд.), Лари Елисон и Џеф Безос, кои имаат речиси три пати помало богатство од него.