Весна Љ.
Производство на милиони дронови во следните две години
Според официјалното соопштение, канадско-украинската соработка ќе биде проширена во сите можни сегменти на производството на беспилотни летала – од експлоатација на критични метали и минерали, па сè до напреден технички развој. Амбициозната цел на Канада е во следните две години да создаде производствени капацитети за „милиони дронови“, со оглед на фактот што земјата во моментов располага со вкупно околу 2.000 вакви летала.
„Денеска Канада и Украина официјално потврдија ново партнерство кое ќе ги опреми канадските вооружени сили со водечки светски капацитети во областа на дроновите, ќе отвори работни места низ цела Канада и ќе ја поддржи Украина во нејзината борба за праведен и траен мир“, изјави премиерот Карни на заедничката прес-конференција.
Милијарди долари помош и муниција за Ф-16 и „Патриот“
-
Насмевката на музиката
699 ден
524.25 ден
Покрај развојот на дроновите, Карни најави и витална поддршка за украинската воздушна одбрана. Претседателот Зеленски појасни дека станува збор за клучна испорака на пресретнувачки ракети за системите за противвоздушна одбрана „Патриот“, како и специјализирана муниција за борбените авиони Ф-16. За таа цел, Канада ветила една милијарда долари воена помош (околу 620 милиони евра), како и дополнителна една милијарда долари за заштита на енергетското снабдување и реализација на заеднички проекти.
Како дел од проширената воена соработка, во моментов во Канада се обучуваат 21 украински пилот за борбените авиони. Канадската влада соопшти дека со најновите инвестиции, вкупната поддршка за Украина од почетокот на војната во 2022 година наваму надминала импозантни 26 милијарди долари. На крајот од средбата, Зеленски изрази особена благодарност и за подготвеноста на Отава да учествува во развојот на новиот европски систем за ракетна одбрана „Фреја“ (Freyja).
