Кина ѝ дише во вратот на Америка: Заплови „Фуџијан“, носач со технологија што ја има само САД.

Најновиот кинески носач на авиони „Фуџијан“ официјално е пуштен во служба, што претставува значаен чекор во напорите на Пекинг да ја достигне поморската моќ на САД, јави кинеската државна телевизија CCTV.

На церемонијата на островот Хаинан присуствувал и претседателот Шји Џинпинг, кој симболично го активирал катапултот на палубата.

Повеќе од само носач – технологија што ја има само САД

„Фуџијан“ е трет и технолошки најнапреден носач на авиони во кинеската флота. Тој е првиот опремен со електромагнетни катапулти (EMALS) – технологија што досега ја поседува само американскиот „USS Gerald R. Ford“. Оваа технологија овозможува полетување на авиони со поголем товар и поголем дострел.

Нуклеарниот погон е следен

President Xi Jinping on Wednesday attended the commissioning and flag-presenting ceremony of the Fujian, China's first aircraft carrier equipped with electromagnetic catapults, in south China's Hainan Province, according to Xinhua.

Xi, also general secretary of the Communist… pic.twitter.com/uTKFz6n1pD

— Global Times (@globaltimesnews) November 7, 2025

Иако користи конвенционален погон, за разлика од американските нуклеарни носачи, „Фуџијан“ со истиснина од 80.000 тони се смета за најмоќниот кинески брод досега и извор на национална гордост. Во Кина веќе се гради и четврти носач, познат како „Тип 004“, кој се очекува да има и нуклеарен погон.