Кој е Јаков Јозиновиќ? Новиот феномен што полни сали, а нема ниедна своја песна

На музичката сцена се појави нов феномен – 20-годишниот Јаков Јозиновиќ од Хрватска, кој стана ѕвезда во регионот без да има ниту една своја песна.

По неодамнешниот концерт во салата МТС, која исто така беше експресно распродадена за само неколку часа, тој закажа уште четири концерти во белградскиот Сава Центар.

Повеќе од само успех – 30.000 луѓе чекале за карта

Неверојатниот податок е што сите четири нови концерти беа распродадени за само половина час. Во еден момент, над 30.000 луѓе чекале на веб-страницата за да добијат ред да купат билет. Јавноста првпат го забележа кога имаше 12 години, на натпреварот „Звјездице“, каде го воодушеви жирито.

Моќта на ТикТок

Неговата огромна популарност дојде преку ноќ благодарение на социјалните мрежи, особено на ТикТок, каде што Јаков изгради армија обожаватели (моментално над 125.000 луѓе). Неговите спонтани и емотивни интерпретации на песни брзо ги освоија младите низ целиот регион и станаа вирални.