Весна Љ.
Напади со дронови и блокиран извоз
Според саудиското Министерство за енергетика, нафтоводот бил превентивно затворен по експлозиите во регионите Ријад и Медина. Регионалните медиуми информираат дека нападите биле извршени со беспилотни летала лансирани од територијата на Ирак, за што ирачката армија веќе најави истрага. Овој нафтовод е од витално значење бидејќи транспортира меѓу четири и пет милиони барели дневно (околу 5% од глобалното снабдување), овозможувајќи извоз преку пристаништето Јанбу без минување низ ризичниот Ормуски Теснец.
-
Верувај во себе
699 ден
524.25 ден
Нов фронт на Хутите и битка за Баб ел-Мандеб
Истовремено, бунтовничкото движење на Хутите, кое ја ужива поддршката на Иран, отвори нов фронт на западниот брег на Јемен. Тие го зазедоа пристанишниот град Мока, продолжија кон Дубаб и воспоставија контрола врз островот Перим (Мајун), кој овозможува директен надзор врз Баб ел-Мандеб – една од најважните поморски рути во светот за транспорт кон Европа.
Како одговор, Саудиска Арабија изврши воздушни напади врз позициите на Хутите. Во обновените борби, кои се закануваат целосно да го урнат примирјето од 2022 година, загинаа стотици луѓе, додека над 46.000 жители беа принудени да ја напуштат областа околу Мока.
„Иако Хутите тврдат дека бродовите кои не се поврзани со Саудиска Арабија ќе можат безбедно да пловат, нивните претходни напади покажаа дека можат да бидат погодени и пловила без јасна поврзаност со конфликтот.“
Глобален шок и американска воздржаност
Ваквиот развој на настаните остава сè помалку сигурни маршрути за транспорт на нафтата од Заливот. Поради стравувањата од прекин на снабдувањето, цената на суровата нафта „брент“ веќе ја надмина психолошката граница од 100 долари за барел, а саудискиот извоз падна на најниското ниво во последните три децении.
Иако Ријад веднаш побарал американска воена помош против Хутите, Вашингтон одбил директни воени удари, нудејќи единствено разузнавачка поддршка во справувањето со најновата безбедносна криза која се заканува да предизвика нов глобален скок на цените на горивата и храната.
