Весна Љ.
Ограничен пристап до парите и банкарски апсурди
Во своето соопштение, Левица реагира на контрадикторноста во изјавите на институциите, посочувајќи дека додека јавноста се уверува во ликвидноста и капитализираноста на АЛТА банка, илјадници граѓани се соочуваат со затворени експозитури, недостапно електронско банкарство и лимит од 10.000 денари неделно.
-
Те сакам како пивото
699 ден
524.25 ден
Од партијата истакнуваат дека оваа сума е недоволна за покривање на основните животни потреби како кирија, лекување и сметки. Тие посочуваат на уште еден апсурд во мерките: обврските кон самата банка се изземени од лимитот. „Кога граѓанинот ѝ должи на банката, мора да плати, а кога банката располага со неговите пари, граѓанинот мора да чека“, нагласуваат од Левица.
Прашања за надзорот и последиците за граѓаните
Левица го отвора и прашањето за регулаторната одговорност на Народната банка. Тие потсетуваат дека во септември 2025 година официјално беше одобрено преземањето на Стопанска банка Битола од страна на српската АЛТА банка, за по само една година на сопственикот да му биде одземена дозволата за работа во матичната земја. Партијата бара објаснување какви проверки биле направени при влезот на овој инвеститор и кога биле препознаени ризиците.
Според нив, најтешкиот товар од овие ограничувања паѓа врз обичните луѓе, особено пензионерите. За функционерите од ДПМНЕ, велат од Левица, 10.000 денари можеби се само статистика, но за едно просечно семејство тие значат храна и покрив над глава.
„Парите на граѓаните се нивна сопственост, а не инструмент за покривање на ризиците што институциите биле должни да ги контролираат. Заштитата на банкарскиот систем не смее да се сведе на административно ограничување на животните потреби“, порачуваат од партијата.
