Обезбедувачот од Кочани: Не сум виновен, ги спасив сите што можев

Столе Боев, обезбедување во дискотеката „Пулс“, вечерва изјави дека не чувствува вина.

„Ги спасив сите што можев. Многу ми е криво за тие што не успеав да ги спасам. Со голема болка изразувам сочувство до семејствата на починатите. Голем дел од нив се мои пријатели кои ги извадив со свои раце. Не знаете како ми е“, рече Боев.

Тој одговори дека гневот во Кочани не е насочен кон нив.

„Луѓето што протестираат се наши. Бараат правда за нас, бараат слобода. Ние успеавме сè да направиме. Јас сум дел од обезбедувањето кое успеа да ги извади сите преживеани“, додаде Боев.