Весна Љ.
Променливо облачно време со засилен северен ветер и услови за слаб снег во планинските региони
Времето денеска ќе биде променливо облачно со повремени сончеви периоди, додека во утринските часови во северозападните планински подрачја ќе има услови за провејување на слаб снег. Ќе дува умерен, а долж Повардарието повремено засилен ветер од северен правец, со локални налети до 60 km/h.
Температури од -4 до 12 степени
-
La Linea v4
699 ден
524.25 ден
Минималната температура ќе се движи од -4 до 4 степени, додека максималната дневна ќе достигне од 5 до 12 степени. Ветровитото време ќе создаде чувство на пониска температура, особено во отворените предели.
Скопје со северен ветер и стабилна седмица пред нас
Во Скопје ќе преовладува променливо облачно време со кратки сончеви интервали и умерен северен ветер, кој во делови од котлината повремено ќе биде засилен. Минималната температура ќе се спушти до 2 степени, а максималната ќе достигне до 11 степени.
Во текот на новата седмица се очекува претежно стабилно време, со исклучок на вторник, кога кон крајот на денот во североисточните делови е можен локален дожд. Утринските часови ќе бидат постудени, а дневните температури постепено ќе бидат во пораст.
