Весна Љ.
Од телевизиски екрани до Јутјуб
Официјалното објаснување од менаџментот на телевизијата е дека емисијата била „прескапа“ и дека преговорите со екипата завршиле неуспешно. Сепак, Кесиќ и неговите поддржувачи се убедени дека зад ваквата одлука се кријат исклучиво политички мотиви, со цел да се замолчи критиката во пресрет на вонредните избори. Поради ова, новата сезона на „24 минути со Зоран Кесиќ“, наместо на телевизија, ќе стартува на 19 септември на официјалниот Јутјуб канал на емисијата.
„Одлуката да им останеме верни на идеалите на новинарството, нѐ чинеше да бидеме сега на улица со вас. Сѐ повеќе нѐ има на улица. Тоа не е добро за оние кои се плашат од улица. Ова не е парастос, туку воскреснување. Ова е емисија која одбива да умре“, порача Кесиќ пред насобраните граѓани.
Политички притисоци пред вонредните избори
-
La Linea v12
699 ден
524.25 ден
Маршот за поддршка се случува во исклучително чувствителен политички момент за Србија. На 9 септември, претседателот Александар Вучиќ го распушти Народното собрание и распиша вонредни општи избори закажани за 25 октомври, што дополнително ги подгреа сомнежите за политичка цензура во медиумите.
На протестот поддршка дадоа и бројни јавни личности. Познатата актерка Светлана Бојковиќ во своето обраќање истакна дека на власта веројатно ѝ е многу тешко и очигледно стравува за победата на претстојните избори, штом морала да посегне по отстранување на Кесиќ од телевизискиот етер.
