Студен туш за Зеленски во Берлин: САД бараат повлекување на украинската војска од Доњецк

Американските мировни преговарачи ѝ поставиле ултиматум на Украина за време на разговорите во Берлин: мора да се согласи на повлекување на своите сили од источен Доњецк како услов за каков било договор за крај на војната.

Според анонимен функционер запознаен со текот на преговорите, иако Киев побарал дијалогот да продолжи, сè уште постојат огромни несогласувања околу територијалните прашања.

На средбата во германската престолнина, претседателот Володимир Зеленски се соочил со интензивен притисок од претставниците на Трамп, Стив Виткоф и Џаред Кушнер, да направи болни отстапки кон Русија за да се заврши четиригодишниот конфликт. И покрај тешките услови на масата, украинската страна во јавните настапи се обидува да одржи оптимистички тон.