Трамп бара историски рекордни 1,5 билиони долари за одбрана: „Ќе ја изградиме војската од соништата!“

По најавите за анексија на Гренланд и преземање на нафтата од Венецуела, американскиот претседател Доналд Трамп го повлече следниот логичен потег. Тој побара од Конгресот неверојатни 1,5 билиони (трилиони) долари за воениот буџет за 2027 година.

Скок од 600 милијарди долари

За споредба, буџетот за 2026 изнесуваше 901 милијарда. Трамп бара зголемување од речиси 60% во една година.

„Одлуката ја донесов по тешки преговори, особено во овие многу проблематични и опасни времиња. Ќе ја изградиме армијата од соништата“, напиша тој на „Truth Social“.

Закана до воената индустрија: „Нема профит додека не забрзате“

Трамп не застана тука. Тој упати директна закана до гигантите како „Локхид Мартин“ и „Рејтеон“. Ги обвини дека се премногу бавни и вети дека ќе им забрани исплата на дивиденди и откуп на акции сè додека не го забрзаат производството на оружје.

Кој ќе го плати ова?

Според претседателот, овој масивен трошок нема да падне на товар на даночните обврзници, туку ќе се покрие од царините што тој ги воведе за речиси сите земји во светот.