Трамп пресече: Крај на чековите за починати лица, државата ги затвора „дупките“ во системот

Со потписот на Доналд Трамп, Вашингтон влече линија под една скандалозна практика: исплати што завршувале кај починати лица, додека живите чекаат ред.

Во основа, проблемот не е мистерија, туку комбинација од бавна администрација и слаба координација: податоците за починати лица не се споделувале навреме меѓу федералните институции, па системот „пуштал“ плаќања што никогаш не требало да се случат. Токму затоа уште во 2020 бил донесен привремен закон со рок од 3 години, но сега мерката станува трајна.

Што точно носи новиот закон и како ќе работи

Предлогот, поднесен од сенаторот Џон Кенеди на 28 јануари 2025, бил усвоен во двата дома на Конгресот на 12 јануари годинава, а Трамп го потпишал на 10 февруари. Законот предвидува Администрацијата за социјално осигурување трајно да ги споделува податоците за починати лица со Министерството за финансии, за тие да се користат во системот „Не плаќај“ и да се блокираат погрешни исплати уште пред да излезат од касата.

Во текстот се наведува дека примената ќе стартува во декември, со што ќе добие „автоматска брана“ и за другите федерални агенции кои имаат овластување да го користат истиот систем. Поентата е јасна: еднаш внесена потврдена информација за смрт, да не може да се претвори во нов чек.

Колку пари се очекува да се спасат и зошто ова стана тема

Се наведува проценка за заштеда од околу 33 милиони долари годишно, а како пример се посочуваат неправилни исплати што биле забележани во периодот на пандемијата, кога значителни суми, поради хаос и брзина, завршувале на погрешни адреси. Законот е претставен како двопартиско решение, со поддршка и од републиканци и од демократи, токму затоа што ова е редок случај каде сите губат ако системот остане „дупчест“: буџетот, довербата и реалните корисници.