Весна Љ.
Нова дипломатска бурa се крена откако Велика Британија и уште четири европски држави соопштија дека Алексеј Навални бил убиен со епибатидин, токсин поврзан со отровни жаби.
Според заедничката изјава на Велика Британија, Франција, Германија, Шведска и Холандија, анализите на примероци поврзани со Навални „конклузивно“ потврдиле присуство на епибатидин, супстанција опишана како смртоносна и поврзана со токсини што природно се среќаваат во Јужна Америка.
Што тврдат Лондон и сојузниците
-
Време за пиво
699 ден
524.25 ден
Петте држави наведуваат дека Русија имала „средства, мотив и можност“ да го примени токсинот додека Навални бил во затвор, посочувајќи дека тој починал во казнена колонија во Сибир на 16 февруари 2024, на 47 години. Дополнително, соопштено е дека случајот ќе биде пријавен до Организацијата за забрана на хемиско оружје, со наводи за прекршување на меѓународните обврски поврзани со хемиско оружје.
Во јавните реакции, вдовицата Јулија Навалнаја повторно ја истакна тезата дека станува збор за труење и порача дека сега, според неа, постои „доказ“ кој ја поткрепува таа позиција.
Руската позиција и поширокиот контекст
Од Кремљ и претходно отфрлаа каква било вмешаност, тврдејќи дека Навални починал од природни причини. Новите обвинувања, пласирани во период на засилени геополитички тензии, повторно ја туркаат темата на прва линија на европската безбедносна агенда и го засилуваат притисокот за дополнителни дипломатски и правни чекори на меѓународно ниво.
