Трамп призна грешка: „Путин ми кажа дека му ја нападнале куќата, сега знам дека не е вистина“

Трамп се пишмани: „Путин ме излажа дека Украинците му ја нападнале куќата, а јас му поверував“

Американскиот претседател Доналд Трамп направи целосен пресврт во ставовите околу наводниот обид за атентат врз Владимир Путин. Додека се враќаше од Флорида во претседателскиот авион „Ер Форс Уан“, Трамп призна дека не верува во руските тврдења за украински напад со 91 дрон врз резиденцијата во Новгород, иако пред само една недела тврдеше спротивното и му беше лут на Зеленски.

President Trump on the alleged Ukrainian strike on Putin's residence:

I don't believe that strike happened. There is something that happened fairly nearby, but had nothing to do with this house.

[Q]: Why did you believe Putin in that moment [during their telephone conversation]… pic.twitter.com/BrwlfUM0bB

— Anton Gerashchenko (@Gerashchenko_en) January 5, 2026

Новинарка го „фати во тесно“: Зошто тврдевте дека е вистина?

Настанал непријатен момент кога новинарка го прашала зошто претходно ширел дезинформации и бил бесен на Киев. Трамп се бранеше со зборовите: „Затоа што во тој момент никој не знаеше. Путин ми се јави рано наутро и ми рече: ’Ме нападнаа’. Тогаш му поверував. Сега кога проверивме, знаеме дека тоа не се случило.“

Трамп потсети дека поради таа лажна информација дури и го запрел испраќањето на ракети „Томахавк“ за Украина, велејќи: „Едно е да си офанзивен, друго е да напаѓаш нечија куќа“.