
Упад во една од клучните бази на ФБИ
Според информации што два извори запознаени со случајот ги потврдиле за телевизијата „MS NOW“, а веста прв ја објави Си-Ен-Ен (CNN), хакерите пристапиле до Националниот центар за криминално разузнавање (NCIC) – една од клучните бази на податоци на ФБИ. Оваа база содржи отпечатоци од прсти, податоци за лица по кои се трага, сторители на насилни кривични дела и исчезнати лица.
Иако пристап до овие информации имаат само органите за спроведување на законот, податоците не се класифицирани како тајни. Засега не е познато колкаво количество податоци успеале да преземат напаѓачите, а од ФБИ не одговориле на барањата за коментар.
Реакцијата на Трамп и серијата безбедносни пропусти
Во телефонско интервју за „Фокс њуз“, Трамп призна дека сајбер-нападот не е добра вест, но додаде дека „секогаш сака да гледа на работите од позитивната страна“. Без да понуди докази што би го поврзале упадот со неговите тврдења, тој повторно се осврна на истрагата за руското мешање во изборите во 2016 година и на неговите долгогодишни тврдења за изборни измами.
Ова е втор голем безбедносен инцидент врз ФБИ во последните два месеца. Претходно во септември, хакерската група „Шајнихантерс“ (ShinyHunters) упадна во системите на агенцијата и дојде до чувствителни податоци за речиси сите вработени во ФБИ, како и за бројни локални полициски службеници вклучени во заеднички истраги.
„Ќе кажам дека тоа не е добро. Не ми се допаѓа. Но, можеби ќе дознаеме работи што инаку никогаш не би ги дознале, бидејќи, знаете, ја имавте целата таа измама ’Русија, Русија, Русија‘. Можеби ќе дознаеме нешто за изборните измами“, изјави Доналд Трамп за „Фокс њуз“.
-
Пиво
699 ден
524.25 ден -
La Linea v5
699 ден
524.25 ден -
Насмевката на музиката
699 ден
524.25 ден -
Дарт Вејдер
699 ден
524.25 ден -
Хемија
699 ден
524.25 ден -
Јас сум толку стар
699 ден
524.25 ден







