
Засилена дипломатија и стравувања во Киев
Според весникот, специјалниот пратеник Стив Виткоф и зетот на Трамп, Џаред Кушнер, овој месец ги обновиле преговорите со Украина и Русија во Абу Даби, по осуммесечна пауза поради војната со Иран, а одржале и серија средби во Москва, Даблин и Берлин. Откако Републиканската партија ја загуби контролата врз двата дома на Конгресот на изборите овој месец, од демократите се очекува посилна поддршка за Киев и нови санкции за Москва, поради што, според изворите, американската администрација инсистира на брз договор.
Висок украински претставник за „Фајненшл тајмс“ изјави дека рокот до јануари ја зголемил загриженоста во Киев оти претседателот Володимир Зеленски би можел да биде принуден да прифати договор под услови поповолни за Москва. Украинските претставници го посочуваат и ограничувањето на брзината на воениот сателитски систем „Starshield“ на SpaceX, како и доцнењата во испораката на пресретнувачи за системите „Patriot“, како дел од притисокот врз Киев. Белата куќа не одговорила на прашањата на весникот, додека „Фајненшл тајмс“ забележува дека САД досега не побарале од Украина конкретни територијални отстапки.
Барањата на Москва и дебатата за безбедносните гаранции
По средбата со Трамп и Си Џинпинг во Шенжен, рускиот претседател Владимир Путин побара Украина и европските сојузници да прифатат „компромиси“ и „реалност“. Според извештајот, руските барања вклучуваат отстапување на териториите во Донбас, откажување на Украина од членство во НАТО, ограничување на украинската армија, како и повлекување на војниците и оружјето на НАТО од источното крило. Извори запознаени со размислувањата во Кремљ оценуваат дека Москва не брза со договор и преку воздушни напади сака да ја зајакне својата преговарачка позиција.
Една од клучните теми остануваат безбедносните гаранции за Украина. Кушнер во Берлин изјави дека Трамп е отворен за гаранции од западните земји засновани на принципот на членот 5 од НАТО, доколку решението е во интерес на САД. Сепак, рускиот заменик-министер за надворешни работи Сергеј Рјабков порача дека за Москва е неприфатлива дури и формула за квази-членство на Киев во НАТО, додека европските земји инсистираат најпрво да се постигне прекин на огнот и бараат официјална улога во преговорите.
„Американците силно притискаат и постои загриженост дека Украина ќе мора да направи големи отстапки за воопшто да се приближи до договор“, изјави европски претставник за „Фајненшл тајмс“, додека рускиот заменик-министер Сергеј Рјабков порача: „Нека ја признаат неповредливоста на нашето барање Украина никогаш да не може да влезе во НАТО. Кога тоа ќе се случи, мислам дека можеме да разговараме за безбедносните гаранции.“
-
La Linea v23
699 ден
524.25 ден -
Јас сум толку стар
699 ден
524.25 ден -
Пулсот на пивото
699 ден
524.25 ден -
Верувај во себе
699 ден
524.25 ден -
Кафе пауза на месечината
699 ден
524.25 ден -
La Linea v27
699 ден
524.25 ден







