ХОРОР ВО БЕРЛИН: Подметнат пожар остави 100.000 луѓе да замрзнуваат без струја и греење

(ФОТО) БЕРЛИН СЕ СМРЗНУВА: 100.000 граѓани без струја и греење на минусните температури – Германија е немоќна!

Хаос во срцето на Европа. Нападот врз енергетската мрежа во Берлин остави околу 100.000 потрошувачи во тотален мрак и на екстремен студ. Овој инцидент ги извади на површина сите слабости на германскиот систем, за кој синдикатите предупредуваат дека е „целосно неподготвен за кризи“.

Саботажа од левичарски екстремисти?

Големиот прекин, кој траеше неколку дена во југозападниот дел на градот, бил предизвикан од подметнат пожар на главните електрични кабли. Властите се сомневаат дека зад овој чин стојат левичарски екстремисти, а граѓаните деновиве живееја без струја, интернет и греење додека температурите паѓаа под нулата.

„Ова е катастрофа, државата е беспомошна“

Претседателот на синдикатот на државни службеници „dbb“, Волкер Гајер, упати остри критики до власта.

„Берлин покажа дека не сме подготвени. Ова што се случи во главниот град може да се случи во секое време и во Келн, Штутгарт или Минхен. Државата изгледа беспомошно“, изјави Гајер.

Болниците и домовите за стари лица на удар

Синдикатите и сојузот на градови алармираат дека приватизацијата на критичната инфраструктура ја одзела контролата од рацете на државата. Се бара итно снабдување на болниците и домовите за стари лица со нови генератори и мобилни електрани, за да се спречат хуманитарни катастрофи во иднина.