Хуманост на дело: Македонија подготвена да испрати лекари и да прими повредени од Швајцарија

Македонија подава рака на Швајцарија: Понудена помош и лекари за настраданите во Кран-Монтана

По катастрофалниот пожар во кој загинаа над 40 лица, Македонија официјално понуди медицинска помош на Швајцарија. Министерството за здравство и Дирекцијата за заштита и спасување (ДЗС), преку механизмот на ЕУ, се во координација со швајцарските власти. Се разгледуваат опциите за испраќање на македонски лекари специјалисти таму или прифаќање на дел од повредените пациенти во нашите клиники.

Отворен СОС телефон за македонските граѓани

Министерот за надворешни работи, Тимчо Муцунски, ја потврди подготвеноста за поддршка во разговор со швајцарскиот амбасадор. Истовремено, македонската амбасада во Швајцарија отвори итна линија за помош. Сите наши граѓани на кои им е потребна асистенција можат да се јават на бројот: +41 79 923 79 57.