АХВ со апел, микрочип за кучињата е обврска, пасошот следи по регистрацијата

АХВ потсетува дека микрочипирањето не е „препорака“, туку законска обврска што го штити и миленикот и сопственикот

Агенцијата за храна и ветеринарство апелира сопствениците на кучиња да направат микрочипирање и регистрација во системот, по што се издава и пасош за миленикот. Постапката е еднократна, а чипот останува кај кучето до крајот на животот.

Микрочипот ја потврдува сопственоста, помага за побрза здравствена заштита и ја зголемува безбедноста, особено кога станува збор за контрола на заразни болести. АХВ потсетува и дека сопствениците мора да пријават промена на податоци, како и угинување, губење или купопродажба на животното, за да се ажурира базата.

Целта е трајна идентификација, помалку напуштања, подобра контрола на размножување и полесно пронаоѓање при губење или кражба.