Влезете во „Забранетиот град“: Титовиот бункер во Коњиц вреден 4,6 милијарди долари

Најскапата тајна на Југославија: Нуклеарниот бункер на Тито скриен длабоко во планините кај Коњиц

Со децении, објектот под кодно име АРК/Д-0 (Армиска воена команда), познат како „Титовиот бункер“, беше најстрого чуваната тајна на СФРЈ. Сместен длабоко во планината Златар, близу градот Коњиц (БиХ), овој подземен град е граден цели 26 години (1953-1979) со една единствена цел: да го заштити Јосип Броз Тито и 350-те најважни луѓе во државата во случај на нуклеарна војна.

Неверојатни бројки и луксуз под земја

Цената на оваа „тврдина“ била вртоглави 4,6 милијарди долари (според вредноста на парите тогаш). За постоењето на бункерот знаеле само Тито и уште петмина највисоки функционери.

Димензии: Се наоѓа на 300 метри длабочина и зафаќа површина од 6.500 квадратни метри.

Автономија: Дизајниран е да овозможи живот во целосна изолација. Поседува сопствени извори на вода, два резервоари со 50 тони нафта, базен со 170 кубици вода, пет телефонски централи и напредни системи за климатизација и заштита од радијација.

Содржина: Освен резиденцијата за Тито, внатре има конференциски сали, спални соби, канцеларии и таен излез кој не е вцртан на мапите.

Од воена тајна до музеј на современа уметност

Бункерот остана скриен од јавноста сè до 1992 година, кога за време на војната во БиХ, ЈНА го предаде на Територијалната одбрана. За среќа, објектот не бил уништен и останал совршено зачуван, како временска капсула од 1979 година. Од 2011 година, бункерот е отворен за јавноста и функционира како музеј и простор за биенале на современа уметност, привлекувајќи илјадници туристи кои сакаат да го видат чудотo на југословенското воено инженерство.