Есенско освежување: Студено утро и сончев ден, но на повидок се нови врнежи од дожд

Температури до 24 степени и северен ветер

Според синоптичарите, денеска ќе дува слаб до умерен ветер од северен правец, кој наместа долж Повардарието повремено ќе засилува. Минималната утринска температура низ државата ќе се движи во интервал од 4 до 12 степени, додека максималната дневна ќе достигне од 16 до 24 степени Целзиусови.

Во главниот град ќе преовладува сончево време со мала до умерена облачност, проследено со умерен до засилен северен ветер. Според најавите, минималната температура во Скопје ќе се спушти до 13, а максималната ќе достигне дури до 31 степен.

Дожд во петок, па повторно стабилно

Од Управата за хидрометеоролошки работи (УХМР) најавуваат дека и утре ќе се задржи слично стабилно време со карактеристични свежи утра, но кон крајот на работната недела следува промена.

„Во петок се очекуваат врнежи од дожд кои наместа ќе бидат пообилни“, предупредуваат од УХМР.

По овој влажен бран, синоптичарите најавуваат дека повторно следува период на стабилно време. Сепак, граѓаните треба да се подготват за уште пониски утрински температури кои ќе го најават вистинското доаѓање на есента.