ЖЕСТОК ОДГОВОР ОД ПАРИЗ: Макрон го „поклопи“ Трамп за ниските удари врз Брижит

Францускиот претседател Емануел Макрон конечно го скрши молчењето и реши брутално да одговори на ниските удари што пристигнаа директно од Белата куќа во овие критични моменти за светот. Овој фронтален судир на егата помеѓу Париз и Вашингтон се случува додека Блискиот Исток гори а милиони животи висат на конец поради војната во Иран. Макрон ги оцени изјавите на Доналд Трамп како целосно несоодветни и неелегантно мешање во неговиот најприватен дел од животот. Ова веќе не е само обичен дипломатски спор туку директен напад врз достоинството на една од водечките европски сили. Јавноста во Франција е згрозена од начинот на кој американскиот лидер ги користи семејните односи како оружје за политичко понижување. Се чини дека трансатлантското сојузништво никогаш не било на вака ниски гранки досега. Макрон јасно стави до знаење дека нема да дозволи личните навреди да го дефокусираат од глобалната безбедносна криза која се заканува да го запали светот.

Трамп ја премина секоја граница со неговите бизарни тврдења дека Брижит Макрон физички го малтретирала својот сопруг. Тој јавно се потсмеваше со наводната повреда на вилицата на Макрон и тврдеше дека претседателот едвај се опоравил од тој напад. Ваквиот уличарски речник предизвика бура од реакции во Елисејската палата каде дипломатијата обично се води со ракавици. Макрон кратко и јасно порача дека ваквите коментари немаат никаква врска со професионалното однесување на еден светски лидер. Вашингтон очигледно избра стратегија на јавно исмевање за да го казни Париз за неговата непослушност на военото поле.

Геополитичка војна зад превезот на семејните кавги

Вистинската причина за овој бесен напад на Трамп лежи во одбивањето на Франција да се приклучи на воената авантура во Персискиот Залив. Американскиот претседател побара француски воени бродови за итно пробивање на блокадата кај Ормуз која ја постави Иран. Макрон го одби овој ултиматум со образложение дека Франција воопшто не била консултирана за почетокот на оваа војна. Париз одбива да биде само нем извршител на одлуките што ги носат Вашингтон и Израел без никаков претходен договор. Франција јасно стави до знаење дека не учествува во конфликтот кој може да предизвика глобална економска катастрофа.

Целата француска политичка сцена застана како еден зад Макрон во овој неочекуван напад врз неговиот брак. Претседателката на парламентот Јаел Брон-Пивет го обвини Трамп за целосно отсуство на емпатија додека луѓе секојдневно умираат на фронтот. Дури и левичарските противници на Макрон јасно порачаа дека ваквиот речник на Трамп е апсолутно неприфатлив и монструозен. Иранскиот конфликт ги носи најголемите предизвици за човештвото а Трамп избира да се шегува со туѓите сопруги. Франција покажа национално единство кое ретко се гледа во моменти кога надворешен лидер се обидува да го понижи нивниот шеф на државата.