Инцидент во Банско: 65-годишник пукал со воздушна пушка и ранил дете во ногата!

65-годишен жител на струмичкото село Банско е лишен од слобода откако со воздушна пушка пукал кон малолетник и го ранил.

Инцидентот се случил на 27 ноември околу 20:30 часот во близина на домот на осомничениот Б.М. (65). Според полицискиот извештај, тој пукал кон малолетник од Струмица и го погодил во ногата.

Детето завршило во болница, оружјето е одземено

Повредениот малолетник веднаш бил пренесен во Општата болница во Струмица за укажување медицинска помош. Полициските службеници од СВР Струмица го пронашле и го одзеле оружјето, а сторителот е задржан во полициска станица. За случајот е известен Јавен обвинител и ќе биде поднесена соодветна пријава.