Весна Љ.
Повеќе од 14.500 матуранти ширум државата денеска го полагаат првиот екстерен испит, кој за кандидатите е изборен предмет. Задолжителниот испит по мајчин јазик и литература е закажан за следната недела, на 11 и 12 јуни. Согласно најновите измени во Законот за средното образование, годинава за првпат се воведуваат три различни типа на матурски испити според видот на образованието: државна матура, државна стручна матура и државна уметничка матура. Тестирањето за сите кандидати започнува точно во 9 часот.
Избор на предмети според типот на матурата
-
La Linea v4
699 ден
524.25 ден
Кандидатите кои полагаат државна матура денеска се тестираат по странски јазик (англиски, француски, германски, руски или италијански) или математика. За пријавените за државна стручна матура изборот е ограничен меѓу англиски јазик и математика, додека учениците кои полагаат уметничка матура избираат помеѓу англиски јазик и историја. Од Државниот испитен центар (ДИЦ) посочуваат дека испитните програми се специјално изработени врз основа на четиригодишните наставни програми.
Статистика: Најголем интерес за државната матура
Според официјалните податоци на ДИЦ, од вкупно 14.587 пријавени ученици, апсолутно мнозинство или 12.184 се пријавиле за државната матура. Само 2.276 ученици ќе полагаат стручна матура, а симболични 127 се пријавени за уметничката. Интересно е што голем дел од учениците во стручните училишта сепак се одлучиле за државната матура. Од друга страна, сите 5.713 гимназијалци задолжително полагаат исклучиво државна матура.
