Крај на ерата на бесплатното: Мета воведува претплата за Фејсбук и Инстаграм со функции што ќе ве шокираат?

Технолошкиот гигант Мета се подготвува за драстична промена на својот бизнис модел со воведување на нови премиум претплати за своите најпопуларни платформи – Facebook, Instagram и WhatsApp.

Според информациите кои ги пренесува реномираниот TechCrunch, компанијата на Марк Закерберг во наредните месеци ќе започне со тестирање на ексклузивни функции кои ќе бидат „заклучени“ зад платен ѕид. Ова не е исто што и „Meta Verified“ (синиот штиклир), туку сосема нови пакети наменети за обичните корисници кои сакаат повеќе моќ и контрола.

Рај за „демначите“: Анонимно гледање Stories

Најголемо внимание предизвикуваат најавените опции за Instagram. Според првичните информации, претплатниците ќе добијат можност за анонимно гледање на „Stories“ (без да бидат видени), како и детални увиди за тоа кој точно престанал да ги следи.

Покрај ова, голем дел од колачот ќе биде и вештачката интелигенција. Оние што ќе платат ќе имаат пристап до напредниот ВИ агент Manus и алатката Vibes за креирање видеа, следејќи го успешниот модел на Snapchat+.

Дали Facebook ќе стане платен?

Од Мета смируваат – основниот пристап и скролањето остануваат целосно бесплатни. Претплатата е опционална надградба за најактивните корисници и креатори. Стратегијата е јасна диверзификација на приходите, но без да се изгуби масовната база на корисници кои не сакаат да го отворат паричникот.