Мицкоски со порака: Пругата ни е потребна веднаш за да не останеме изолирани од светот

Премиерот Христијан Мицкоски потврди дека има понуди за финансирање на изградбата на брзата пруга на Коридорот 10.

Рокот за доставување на понудите завршува утре. Оваа информација тој ја соопшти во неговото гостување на телевизија Сител. Тој порача дека пругата ѝ е потребна на државата веднаш.

Понуди од 24 банки за пругата на Коридор 10

„Да, има понуди,“ рече Мицкоски. Тој истакна дека ќе останеме изолирани ако не ја изградиме и модернизираме оваа пруга. Министерството за финансии претходно има испратено барање за понуди до 24 банки за финансирање на овој голем инфраструктурен проект.

Преговорите со САД за царините се во позитивна насока

Прашан дали ќе бидеме ослободени од царинските тарифи на САД, тој рече дека преговорите се во тек. „Преговорите се водат во позитивна насока,“ истакна премиерот. „Следната недела е крајниот рок кога македонската јавност ќе знае што е тоа што го добиваме од администрацијата на САД,“ рече Мицкоски.