„Можеме да ви ја смениме владата и овде“: Наводната изјава на американската амбасадорка предизвика бура во Грција

Жестока расправа со грчкиот министер за енергетика

Спорниот разговор, според изворите на весникот, се случил во март 2026 година. Темата била политичката криза во Романија и американските енергетски интереси. Во контекст на очекуваниот пад на романската влада, на амбасадорката ѝ се припишуваат контроверзните зборови дека Вашингтон може да влијае врз менувањето влади каде и да посака.

„Можеме да го направиме тоа на која било земја што ќе ја посакаме. Можеме да го направиме тоа и овде“, наводно изјавила Гилфојл пред присутните.

Според изворите, на оваа изјава грчкиот министер за енергетика Ставрос Папаставру веднаш возвратил дека САД не можат да ја заменат грчката влада, бидејќи неа ја избрале граѓаните. Сепак, важно е да се напомене дека не постои аудио снимка или официјален транскрипт од овој наводен разговор, а адвокатот на амбасадорката го оспори начинот на кој весникот ја опишал расправата.

Американскиот гас и приватните интереси во позадина

Покрај дипломатската бура, истрагата на „Волстрит џурнал“ открива и контроверзна поврзаност на амбасадорката со енергетскиот лобист Христос Марафацос. Тој ја придружувал Гилфојл на повеќе средби низ Балканот како поддржувач на Вертикалниот гасен коридор, иако истовремено работел како лобист за грчката групација „Актор“.

Додека романските политичари демантираат директна вмешаност на САД во соборувањето на нивната влада во мај, овој скандал повторно го отвори прашањето за границата меѓу дипломатското влијание, приватните бизнис интереси и почитувањето на суверенитетот на сојузничките држави.

US Ambassador in Athens sparks a stir with a sheer dress

The new US Ambassador to Greece, Kimberly Guilfoyle, became the unexpected star of a Thanksgiving event hosted by the American-Hellenic Chamber of Commerce. The focus wasn’t on her speech but on her outfit — a sheer… pic.twitter.com/XPmsi8yYXg

— NEXTA (@nexta_tv) November 27, 2025