Повторно одложено пуштањето на брзата пруга Будимпешта–Белград: Софтверски проблеми го кочат стартот

Историски тестирања и кинески безбедносни системи

Унгарскиот министер за сообраќај и инвестиции, Давид Витези, соопшти дека во изминатите неколку недели на пругата биле спроведени обемни тестирања какви што досега не биле забележани во историјата на унгарските железници. Станува збор за прва железничка линија во Унгарија на која кинески производител вградува безбедносни системи кои мора да бидат целосно усогласени со строгите европски стандарди.

Берово те очекува

A Airbnb ◎ Instagram

За да се потврди дека сите системи функционираат беспрекорно, во тестирањата е вклучена и независната организација за контрола на квалитетот ТУВ. Досегашните проверки откриле помали софтверски проблеми, поради што сите тестирања ќе мора да се повторуваат и по најмалите интервенции во системот од страна на изведувачот.

Безбедноста пред роковите: Откажан стартот на 13 декември

Потребните дозволи за пуштање во употреба ќе бидат издадени дури откако надлежните институции и сертификациските тела ќе потврдат дека нема никакви пропусти што би можеле да ја загрозат безбедноста. Ова значи дека патничкиот сообраќај нема да биде воспоставен ниту со новиот железнички возен ред, кој требаше да стапи во сила на 13 декември.

Ваквиот развој на настаните е во спротивност со претходните оптимистички најави на српските и австриските железници, кои очекуваа возовите да почнат да сообраќаат кон средината на декември. Сепак, унгарските власти остануваат децидни дека нема да прават компромиси со безбедносните стандарди.

„Безбедноста на патниците останува приоритет. Со одложувањето се покажува сериозниот пристап на надлежните институции кон проверката на системите пред возовите да почнат да превезуваат патници.“ — порача унгарскиот министер Витези.