Скандал во загрепската психијатрија: Полицијата и Министерството известени дури 14 дена по смртта на пациентот

Фатална ноќ и сомнително доцнење со снимките

Според хронологијата на настаните, пациентот бил примен во болницата на 21 октомври во придружба на полиција и итна помош. Истиот ден му била дадена терапија и бил физички ограничен со ремени. Во вечерните часови дошло до срцев застој, а и покрај обидите за реанимација, смртта била констатирана во 21:26 часот.

Берово те очекува

A Airbnb ◎ Instagram

Она што отвора најмногу сомнежи е реакцијата на институцијата. Иако болницата започнала внатрешна проверка следниот ден, клучните снимки од видеонадзорот биле прегледани дури на 4 ноември. Токму при тој преглед биле забележани насилни постапки кон пациентот, по што полицијата конечно била информирана. Хрватското Министерство за здравство потврди дека известувањето кај нив пристигнало по дури 15 дена, со што случајот прерасна во прашање за одговорноста на целото раководство, а не само на инволвираните поединци.

Апсења, протести на персоналот и пропусти во протоколот

Здравствената инспекција веќе утврди сериозни несогласувања и неправилности во медицинската документација поврзана со физичкото ограничување на пациентот. Како резултат на истрагата, четворица медицински техничари се уапсени и се наоѓаат во истражен притвор под сомнеж за примена на насилство.

По нивното апсење, дел од медицинскиот персонал излезе на протест, предупредувајќи на алармантниот недостаток од кадар, недоволната заштита и секојдневните ризици при работа со агресивни пациенти. Раководството најави итни мерки, вклучувајќи ангажирање обезбедување и постојан интервентен тим, но останува фактот дека лошите услови не смеат да бидат оправдување за нехуман третман.

„Но, проблемите со работните услови не можат да бидат оправдување за насилство врз пациент. Овие две прашања мора да се разгледуваат одделно: безбедноста на здравствените работници и правото на пациентите на хуман третман.“