Професионалец до крај: Северина падна, стана и продолжи да пее како ништо да не било

Хрватската ѕвезда Северина синоќа го имаше првиот од двата распродадени концерти во Загрепската арена, а вечерта ја одбележа и еден мал пех кој таа го претвори во шоу.

Пејачката ја забавуваше публиката речиси три часа, изведувајќи повеќе од 30 хитови. На социјалните мрежи се шири видео на кое се гледа како Северина ја изведува песната „Твоја прва девојка“. Додека енергично танцуваше на сцената, таа во еден момент се сопна и падна.

Повеќе од само пад – продолжи како ништо да не се случило

Падот воопшто не ја спречи Северина да продолжи со забавата. Членовите на бендот брзо се стрчаа да ѝ помогнат, но таа немаше потреба од тоа. Професионално стана, ѝ даде знак на публиката дека сè е во ред и веднаш продолжи да пее како ништо да не се случило.