Весна Љ.
Ова револуционерно откритие би можело да помогне да се објасни зошто токму човечкиот мозок поддржува напредни способности како што се јазикот, имагинацијата и математиката. Со децении, научниците одговорот на ова прашање главно го бараа во големината и поврзаноста, имајќи предвид дека човечкиот мозок содржи околу 100 милијарди неврони поврзани во огромна мрежа.
Човечките неврони како моќни микрочипови
-
Апсана
699 ден
524.25 ден
Новото истражување, предводено од научници од Хебрејскиот универзитет во Ерусалим во соработка со Слободниот универзитет во Амстердам, укажува дека важен дел од објаснувањето лежи на многу поситно ниво. Истражувачите откриле дека невроните во човечкиот кортекс функционираат како значително посложени процесори на информации во споредба со сличните клетки кај другите цицачи.
„Луѓето често размислуваат за невронот како за едноставен прекинувач кој се вклучува или исклучува. Ние покажуваме дека еден единствен човечки неврон е сам по себе исклучително софистициран компјутерски уред,“ истакнуваат авторите на студијата.
Мерење на компјутерската моќ на клетката
За да истражат колку пресметки може да изврши еден неврон, научниците креирале нова метода комбинирајќи напредно компјутерско моделирање со вештачка интелигенција. Целта била да се утврди колку би ѝ било тешко на една напредна вештачка невронска мрежа да го научи и репродуцира однесувањето на биолошкиот неврон.
Резултатите покажале изразита предност на невроните во човечкиот кортекс. Нивната богата разгранетост и специјалните електрични карактеристики им овозможуваат да изведуваат изненадувачки софистицирани пресметки на влезните информации.
Овие наоди ја доведуваат во прашање долготрајната идеја дека интелигенцијата произлегува првенствено од бројот на неврони и врските меѓу нив. Наместо тоа, сложеноста на поединечните неврони веројатно значително придонела за еволуцијата на човечката когниција. Ова откритие отвора нови можности во иднина да се креира вештачка интелигенција која ќе биде директно инспирирана од огромните капацитети на биолошките неврони.
