Рубио со Г7 во Минхен: разговори за конфликти што ја тресат Африка, Европа и Блискиот Исток

Марко Рубио на Минхенската безбедносна конференција се сретна со министрите за надворешни работи на Г7, фокусирајќи се на конфликтите што, според Стејт департментот, ја загрозуваат глобалната стабилност во Африка, Европа и на Блискиот Исток

Средбата се одржа на маргините на конференцијата во Минхен, а на маса биле ставени и пошироки теми поврзани со регионалната безбедност. Во разговорите, според соопштението, биле опфатени и предизвиците во Индо-пацифичкиот регион и Западната хемисфера.

Г7 ја сочинуваат САД, Канада, Јапонија, Велика Британија, Франција, Италија и Германија, додека ЕУ учествува со статус на набљудувач.

Венецуела и линијата на САД за стабилност

Во рамки на средбата, Рубио ја повторил посветеноста на САД за промовирање стабилност во Венецуела, во контекст на тековните политички и безбедносни тензии во регионот.

Фокус и на преговорите за Русија и Украина

Според соопштението, американскиот државен секретар се осврнал и на преговорите за прекин на војната меѓу Русија и Украина, нагласувајќи дека ова останува клучна тема во дипломатските напори што ја одредуваат европската и глобалната безбедност