Сончево и стабилно време со пораст на температурите

Времето денеска ќе биде сончево со мала локална облачност и слаб ветер од променлив правец

Минималните температури ќе се движат од -3 до 4 степени, додека максималните ќе достигнат меѓу 12 и 16 степени Целзиусови.

Сончево и во Скопје

Во главниот град ќе преовладува сончево време со мала облачност. Утринската температура ќе се спушти до 0 степени, а дневната ќе достигне до 15 степени.

Стабилно време и во наредните денови

Според Управата за хидрометеоролошки работи, во следниот период ќе преовладува стабилно и суво време под влијание на висок воздушен притисок. Дневните температури ќе бидат во пораст, а по одделни котлини можно е појава на утринска магла.