Весна Љ.
Трагичниот судир се случил во раните утрински часови, кога возилото марка БМВ директно удрило во автомобил во кој патувале три сестри и едно седумгодишно дете. Сите четворица патници од второто возило, кои патувале кон аеродромот во Даблин за семејна свадба, се хоспитализирани со тешки телесни повреди. Во знак на солидарност, граѓаните експресно собраа над 660.000 евра финансиска помош за нивно лекување и закрепнување.
Криминално минато и провокација за видео
-
La Linea v9
699 ден
524.25 ден
Истрагата на ирската полиција открива застрашувачки детали за позадината на настанот. Групата тинејџери претходно учествувала во серија провали во куќи и возила во округот Килдер, а возењето во недозволена насока било намерен обид да се предизвика полициска потера за да се сними вирално видео. На лице место загинале Џо Карти (15), Камил Пустковски (17), Џек Кенеди (17), Алекс Мекарти (17) и Џереми О’Брајан (18).
„Социјалните мрежи директно го поттикнуваат екстремното однесување кај младите преку немилосрдниот лов на дигитални реакции и лајкови“, предупредува професорката по форензичка киберпсихологија, Мери Ајкен.
Бојкот од ТикТок и нови строги закони
Оваа незапаметена трагедија предизвика бура од политички реакции и барања за институционална одговорност. Претставниците на ТикТок одбија да се појават на сослушувањето пред парламентарниот комитет во Ирска, потег кој претседателот Алан Кели го оцени како крајно недозволив кон јавноста. Како директен одговор на немилиот настан, политичките претставници во Даблин најавија иницијатива со која намерното возење во спротивен правец на автопат законски ќе се квалификува како обид за убиство.
