ТРАМП ПОТВРДИ ВО ВИДЕО: САД започнаа големи операции против Иран

Претседателот на САД, Доналд Трамп, во осумминутно обраќање објавено на платформата Truth Social потврди дека САД започнале „големи борбени операции“ против Иран

Во видеото, Трамп истакна дека целта на кампањата е заштита на американскиот народ и елиминирање на, како што рече, непосредните закани кои ги претставува иранскиот режим. Тој нагласи дека активностите на Иран ги загрозуваат американските трупи, воените бази и сојузниците ширум светот.

Обвинувања за долгогодишни закани

Трамп посочи дека иранскиот режим со децении води агресивна политика насочена кон САД и нивните интереси. Според неговите зборови, нападите имаат за цел да ја неутрализираат таа закана и да спречат понатамошна ескалација.

Заедничка операција со Израел

Претходно, израелскиот министер за одбрана Израел Кац изјави дека Израел започнал превентивен напад врз Иран. Според израелски безбедносен извор, актуелните дејствија се дел од координирана американско-израелска операција. Непотврдени информации укажуваат дека меѓу потенцијалните цели се и објекти поврзани со иранското државно раководство.