Трамп тргна во освојување: „Гренланд ќе биде наш – со договор или со сила!“

ТРАМП СО УЛТИМАТУМ ДО ДАНСКА: „Ќе го земеме Гренланд – на лесен или на тежок начин!“

По Венецуела, на ред е Европа. Американскиот претседател Доналд Трамп ја шокираше меѓународната јавност со директна закана кон сојузникот од НАТО, Данска. Тој порача дека САД ќе ја преземат контролата врз Гренланд, без разлика дали локалното население и Копенхаген се согласуваат со тоа.

„Ако не го земеме ние, ќе го земат Кина или Русија“

Трамп го искористи истиот аргумент како и за нафтата во Венецуела – „заштита од ривалите“.

„Ќе преземеме нешто во врска со Гренланд, им се допаѓало тоа ним или не. Ако ние не го направиме тоа, Русија или Кина ќе го преземат, а ние не сакаме да ни бидат соседи“, изјави Трамп.

Trump: "We are going to do something on Greenland whether they like it or not because if we don't, Russia or China will take over Greenland. If we don't do it the easy way we're gonna do it the hard way." pic.twitter.com/Pb29UqBzCC

— Aaron Rupar (@atrupar) January 9, 2026

Закана со сила: „На потежок начин“

Најзагрижувачкиот дел од изјавата е отворената закана за употреба на сила.

„Би сакал ова да го решиме со договор, на полесен начин. Но, ако тоа не го направиме на полесен начин, ќе го направиме на потежок начин“, се закани американскиот претседател.

Крај на НАТО?

Ова доаѓа и покрај драматичното предупредување на данската премиерка Мете Фредериксен, која изјави дека американски напад врз Гренланд би значел крај на НАТО.

Сепак, Трамп не попушта, охрабрен од неодамнешната акција во Венецуела и апсењето на Мадуро. Жителите на Гренланд се во страв – дури 85% од нив категорично одбиваат да бидат дел од САД.