Украинците уништија руско технолошко чудо од 400 милиони долари: Дронови влегоа во пристаништето Новоросијск

Украински подводни дронови уништија руска подморница од класата „Варшавјанка“ (проект 636.3) во руското пристаниште Новоросијск, пренесуваат украинските медиуми повикувајќи се на безбедносни извори.

Според Украинската служба за безбедност (СБУ), подморницата претрпела критични оштетувања од експлозијата и е ставена надвор од употреба. Ова пловило, познато како „Црна дупка“ поради својата способност да остане невидливо за сонарите, било опремено со четири лансери за крстаречки ракети „Калибр“ со кои се вршени напади врз Украина.

Ukraine just blew up a fucking russian submarine 🤯🤯🤯

In russia… pic.twitter.com/PFY5ieeqWt

— Richard Woodruff 🇺🇦 (@frontlinekit) December 15, 2025

Цената на оваа подморница изнесува околу 400 милиони долари, но поради санкциите, замената би чинела до 500 милиони. Акцијата е заедничка операција на воената контраразузнавачка служба на СБУ и украинските поморски сили. Портпаролот на морнарицата, Дмитро Плетенчук, потсети дека руската флота досега претрпела сериозни загуби со 15 уништени и 12 оштетени бродови.