Хорор во Велика Горица: Детска урина открила шокантна вистина

Млада жена од Велика Горица се соочува со кривична постапка откако нејзиното тригодишно дете било позитивно на кокаин

Случајот бил откриен минатото лето кога 25-годишната мајка, обидувајќи се да избегне отказ, на работното место подметнала урина од своето дете за тест на дрога. Наместо да ја прикрие сопствената употреба, резултатите покажале присуство на кокаин во организмот на детето.

Аларм и истрага

По добиените резултати, била известена полицијата, а токсиколошките испитувања потврдиле дека и мајката и детето биле позитивни. Според наводите на обвинителството, дрогата била консумирана во стан во Загреб и била оставена на дофат на детето.

Случајот прва го пријавила бабата на детето, која стравувала за неговата безбедност.

Можни последици

Против мајката е покрената постапка и таа се соочува со можност за затворска казна. Надлежните институции презеле мерки за заштита на детето, додека случајот продолжува да ја потресува јавноста во Хрватска.