Весна Љ.
Денвер Нагетс во последните години не покажува сериозни шампионски амбиции. Тимот се ослободува од клучните носители на играта, а воедно не носи соодветни засилувања за борба за титулата. Оваа пасивност на управата може сериозно да ја промени првичната идеја на Јокиќ да остане во Колорадо до крајот на својата блескава кариера.
Уникатна врска и пик-ен-рол доминација
-
Dolce & Kafana
699 ден
524.25 ден
Врската со Лејкерс лежи токму во силното пријателство меѓу балканските ѕвезди. Ирвин потенцира дека нивната соработка на теренот би била вистински кошмар за противничките одбрани. Според него, двајцата веќе гледаат кон 2028 година, кога би можеле да донесат серија стратешки одлуки кои ќе ги спојат во ист дрес во Калифорнија.
„Врската со Лејкерс е многу јасна. Тоа е Дончиќ кој е голем другар со Никола. Исто така, можноста на нивен заеднички пик-ен-рол би била навистина уникатна.“
Договорот со Денвер како клучен фактор
Српскиот ас има мега-договор со Денвер вреден 276 милиони долари, потпишан во 2022 година. Овој договор содржи играчка опција пред сезоната 2027/2028, што му овозможува на Јокиќ самиот да бира дали ќе остане, ќе бара побогат договор или ќе замине како слободен агент. Доколку Лејкерс ослободат простор во нивниот „селари-кап“, можат да го принудат Денвер на трејд, за да не го загубат својот најдобар играч без никаков надомест во иднина.
