Весна Љ.
Според информациите од МВР, во периодот од 9 до 15 часот биле санкционирани вкупно 166 пешаци поради непочитување на сообраќајните правила.
Преминувањето надвор од пешачки премин е најчест прекршок
-
La Linea v12
699 ден
524.25 ден
Статистиката од акциската контрола покажува дека најголемиот дел од граѓаните ги игнорираат основните правила за безбедно движење. Дури 137 пешаци биле санкционирани поради небезбедно преминување на улица надвор од обележан пешачки премин. Покрај прекршоците на пешаците, за време на шестчасовната контрола биле регистрирани и санкционирани уште 167 други видови сообраќајни прекршоци.
„Апелираме до сите пешаци да ги почитуваат сообраќајните правила и улицата да ја преминуваат исклучиво на обележани пешачки премини. Непочитувањето на правилата ќе биде строго санкционирано“, порачуваат од МВР.
Надлежните институции најавуваат дека засилените сообраќајни контроли ќе продолжат и во наредните денови. Одговорното однесување на сите учесници во сообраќајот е клучно за поголема безбедност и намалување на бројот на сообраќајни незгоди.
