„Прогласете победа“: Слоганот под кој ќе се одвива големата акција на 28 декември

Студентите кои со недели ги блокираат факултетите во Белград, сега ја шират својата акција низ целата земја. За 28 декември најавија масовно излегување меѓу граѓаните.

Организацијата „Студенти во блокада“ објави дека оваа сабота ќе бидат поставени штандови во неколку градови (на вкупно 90 локации). Целта не е само протест, туку активно вклучување на населението преку собирање потписи и информации, како притисок врз власта за распишување на вонредни избори.

За полесна координација, креирана е веб-страницата studenti.org.rs/raspisi, каде секој граѓанин може да го најде најблискиот пункт во својот град. Студентите најавуваат дека оваа акција ќе биде концептуално поразлична од досегашните и има за цел да покаже дека цела Србија е обединета во барањата.