Бомба до бомба: На 50 метри од пеколот во Кочани имало нелегален склад со гориво!

Во близина на дискотеката „Пулс“ во Кочани имало склад за гориво. Таму во пожар загинаа 59 лица. Над 150 се повредени.

Оваа информација денеска ја потврди Обвинителството.

„При увидот е констатирано дека постоел склад за гориво во близина на објектот. Сите други околности се испитуваат“, соопштија од Обвинителството.

За среќа, пожарот не го зафатил резервоарот со гориво. Последиците ќе беа немерлива катастрофа.

Обвинителството исто така соопшти дека досега предложило притвор за 16 лица. Предлозите се прифатени и мерката е одредена за сите 16 лица.