Слепите Лилјаци Имаат Мистериозна Моќ – Научниците Шокирани Од Нивниот Начин На Напад

Слепите лилјаци не само што летаат во мракот – тие учат да разликуваат безбеден од опасен плен само со помош на звук, покажува ново истражување од Панама.

Истражување на научниците од Тропскиот истражувачки институт Смисонијан открива дека лилјаците од видот Trachops cirrhosus развиваат способност за прецизно слушање и селектирање на плен со текот на времето – не по инстинкт, туку преку учење.

Овие месојадни лилјаци ги слушаат повиците на жабите кои ги користат за парење, и врз основа на тоа го бираат следниот оброк. Возрасните лилјаци целосно ги игнорираат звуците на отровни или премногу големи жаби, додека младите се уште учат што е безбедно.

Ова откритие, објавено во списанието Proceedings of the Royal Society B, покажува дека звукот, меморијата и искуството играат клучна улога во еволуцијата и преживувањето на овие животни.

Научниците ги тестирале реакциите на лилјаци во природа, пуштајќи им звуци од различни видови жаби. Возрасните реагирале само на звуци од “вкусни” жаби, додека младите биле збунети – доказ дека оваа способност се учи, а не се наследува.