Итно предупредување за сите што имаат Gmail: Следете ги овие 6 нови правила за да се заштитите

Ново безбедносно предупредување пристигнува за сите корисници на Gmail сметките (accounts).

Хакерите пронашле начин да ја заобиколат заштитата на Google. Иако Gmail спаѓа меѓу најбезбедните мејл платформи, експертите предупредуваат дека сега не е време за опуштање. Потврдено е дека сајбер-криминалците успеале да компромитираат одредени профили.

Како функционира новата закана? Мета се лозинките за апликации

Опасноста е воочена од страна на безбедносните истражувачи. Изгледа дека сајбер-криминалците пронашле начин да ги таргетираат постарите телефони и други уреди. Тоа се уреди кои не можат да го поднесат дополнителниот чекор на верификација.

Google нуди безбедносен метод наречен „лозинки за апликации“. Тоа се специјални 16-цифрени кодови за постари уреди. Но, бидејќи овие лозинки го прескокнуваат вториот чекор на верификација (2FA), хакерите можат полесно да ги украдат преку фишинг (phishing) измами.

На пример, напаѓачот се претставува како претставник на Стејт департментот. Тој ја кани жртвата на приватен онлајн разговор. Додека жртвата мисли дека креира лозинка за безбеден пристап, таа всушност им дава на напаѓачите целосен пристап до својот Google профил.

Шест нови правила за да останете безбедни

Ако ве загрижува овој нов напад, безбедносните експерти од „Malwarebytes“ издадоа совети како да останете безбедни. Прво, користете ги лозинките за апликации само кога е апсолутно неопходно и преминете на понови уреди. Второ, користете апликации за автентикација како Google Authenticator или хардверски безбедносни клучеви, кои се поотпорни на напади.

Трето, редовно едуцирајте се како да ги препознаете фишинг обидите. Четврто, редовно ажурирајте го вашиот оперативен систем и апликациите. Петто, внимавајте на необични обиди за најавување од непознати локации. И шесто, користете безбедносен софтвер кој може да блокира малициозни веб-страници и да препознае измами.