УХМР ПРЕДУПРЕДУВА: Денеска се очекуваат над 30 литри дожд и силен јужен ветер!

Времето денес ќе биде променливо облачно со повремени локални врнежи од дожд, кои наместа ќе бидат обилни.

Според УХМР, се очекуваат врнежи од над 30 литри на метар квадратен за 24 часа, придружени со услови за појава на невреме со грмежи и силен ветер. Преку денот ќе дува умерен, повремено засилен ветер од јужен правец.

Топло, но ветровито во Скопје

Максималната температура ќе се движи во интервал од 13 до 19 степени, што е релативно топло за овој период. Во Скопје ќе биде променливо облачно со повремени врнежи и засилен јужен ветер, а температурата ќе достигне до 18 степени.